Bro Dysynni: Ddoe a Heddiw/Dysynni Area: Yesterday and Today
Gan/by Ros Dodd "Y mae i bob ardal ei henwogion, ei chymwynaswyr, ei chymeriadau," ysgrifennodd R Emyr Jones yn y cyflwyniad i lyfr o bron i 70 ffotograffau du-a-gwyn, Bro Dysynni: Ddoe a Heddiw , a gyhoeddwyd ganddo rywbryd tua dechrau'r 1990au. "Ymdrech yw'r gyfrol yma i roi cipolwg ar Fro Dysynni drwy lens y camera, a thrwy hynny sicrhau bod rhai agweddau ar fywyd beunyddiol trigolion y dyffryn nodedig hwn...yn cael eu cadw yn y cof ac yn cael eu gwarchod. Mae hefyd yn ymdrech i gyflwyno rhai cymeriadau lliwgar sydd wedi gwneud eu marc wrth fyw yn ein plith." Roedd y llyfr - yn cynnwys ffotograffau a roddwyd gan bobl leol - yn llwyddiant mawr; cymaint felly iddo werthu allan a bu'n rhaid ei ailargraffu. Cyhoeddodd Emyr ddwy gyfrol arall wedi hynny, yn 1996 a 1997. Bu farw yn 1999. Mae'r ffotograffau a'r testun isod o dair cyfrol llyfrau Emyr ac wedi'u hatgynhyrchu gyda chaniatâd caredig ei ferch, Shan. Diolch yn fawr i Alun Evans (Fferm...
